足球小將

足球小將第一集係我中學時代既產物, 當時都仲係興租機打, 所以有時星期六就會租番屋企煲. 當然啦, 足小就一定勁煲啦, 唔係都唔會寫.
由於第一二集都係冇電磁記憶, 要用PASSWORD去記錄, 而且當年自己真係一D日文都唔識, 所以經常會抄錯字或者打錯PASSWORD…….咁就o徙心機了…..記得仲有個”無敵password架, 全滿體力, 求其都可以射死人+穿網 XD
第一集係要搵みさき, 不過唔係一定搵到架, 當年邊得黎有攻略丫, 都係自己撞吓撞吓咋, 好在又搵到喎 XD
之後二三四都有玩, 五出左之後有玩過吓, 但係個震撼力冇第一集咁,大而且變左半立體, 怪怪的= =”

去到次世代, PS, GC, PS2,GBA都出過, 可惜既係轉左開發廠, 亦因為咁, 搞到不知所謂, 好有呃錢FEEL
所以我都冇玩了, 始終TECMO出既至係最好玩(十個有九個都係咁講)
究竟幾時至再有一隻見得人既足球小將呢? 等…….吧…………

Mario

第一個topic當然係講吓mario啦

馬力歐（英文：Mario 日文：マリオ 中文也有被譯作：瑪莉、瑪利歐、瑪利奧、瑪莉奧或馬利奧，港譯孖寶兄弟）是一個長有鬍子的義大利水管工人，他有一頂紅色的帽子。他跳得很高，而且嘴裡總是嘟囔著「Mamma Mia」（義大利語「我的媽呀」）。他的全名是馬力歐·馬力歐（Mario Mario），配音員是Charles Martinet。這個家喻戶曉的造型就是任天堂公司的電視遊戲系列作品中的主角，同時也是該公司的吉祥物。馬力歐遊戲系列在全球總共賣出了超過一億七千四百萬套，這使它成為了史上最成功的遊戲角色之一。
其作品《超級馬力歐兄弟》（Super Mario Bros.）還是世界上第一部滾動捲軸類的遊戲，並且作為世界上最經典的捲軸類遊戲被載入到金氏世界紀錄中。 (資料取自維基百科)

仲記得細個既時候(大約幾歲), 當時岩岩開始有紅白機同灰機既出現(當然雅達利更早啦, 但不在此談了), 而且亦都唔係人人買得起, 大約係幾百蚊(太耐唔記得喇)......所以就出現到一d扮買野租, 其實係租機打既地方出現. 當年新推出既遊戲唔多, 大多數都只係D好簡單既足球呀, 網球呀....比較單調........玩得最多同最開心當然係孖寶兄弟啦............仲記得o個陣時係5蚊10分鐘, 可以續租, 由於唔可以好陽咁去做呢樣野(因為好似唔合法, 冇類似機舖o個d娛樂牌), 所以通常打機既地方都係舖頭最入既地方, 神神秘秘 XD, 有時仲打到唔想走添....
經過左廿幾年, MARIO系列既遊戲依然長出長有, 從無間斷.........當年玩MARIO 1既時候隨左識跳跳貢之外就乜都唔識 XDDDDD, 鬼識咩野叫爆機咩, 不過O個一種快樂感覺係好難去形容, 總之有得打機就開心........MARIO 呢一款橫向動作遊戲開拓左先河, 之後亦有其他同類遊戲不段出現. 而大家至有不同既野玩咋 !!!!